Rhoi drwy Platenfferesis
Mae Platennau'n un o gyfansoddion gwaed. Maent yn atal gwaedu. Cesglir Platennau o waed cyfan gan beiriant o'r enw Wahanydd Celloedd Gwaed, sy'n gwahanu cyfansoddion gwaed rhoddwr ac yn casglu platennau gyda pheth plasma. Mae'r celloedd Coch, y celloedd Gwyn a'r rhan fwyaf o'r plasma'n cael eu dychwelyd i'r rhoddwr yn ystod y sesiwn rhoi. Dyma Platenfferesis.
Ewch i'r dudalen Platenfferesis am ragor o wybodaeth ar sut i roi.
Ymuno â'r Panel Mêr Esgyrn Cymru
Mae gan Gofrestrfa Mêr Esgyrn Cymru banel o roddwyr gwaed sydd wedi gwirfoddoli i roi sampl o gelloedd gwyn eu gwaed er mwyn pennu eu teipfeinwe. Archwilir y panel yn ddyddiol i geisio dod o hyd i roddwyr sydd â teipfeinwe sy'n cydweddu'n agos â'r cleifion y mae angen trawsblaniadau mêr esgyrn neu fôn-gelloedd gwaed perifferol arnynt er mwyn achub eu bywydau.
Ewch i dudalen Ymuno â'r Panel Rhoddwyr Mêr Esgyrn Cymru am ragor o wybodaeth ar sut i roi.