Mae angen i ni gasglu gwaed o hyd yn ystod yr achos hwn o Ffliw Moch. Gofynnwn felly i bob rhoddwr gwaed barhau i roi gwaed fel arfer.
Fodd bynnag, os ydych yn teimlo'n sâl â symptomau sy'n debyg i symptomau'r ffliw, yna ni ddylech roi gwaed. Arhoswch gartref a ffoniwch Galw Iechyd Cymru neu eich meddyg teulu i gael cyngor pellach.
Os ydych yn teimlo'n iach ac yn bodloni'n rheolau dethol rhoddwyr gwaed arferol gallwch roi gwaed o hyd.
Cofiwch fod angen gwaed ar gleifion o hyd ar gyfer triniaethau hanfodol bob dydd, felly mae'n bwysig iawn bod rhoddwyr gwaed yn parhau i roi gwaed drwy gydol y cyfnod hwn.
Fel arfer, os ydych wedi rhoi gwaed ac wedi mynd yn sâl yn y pythefnos ar ôl hynny ffoniwch ein llinell gymorth cyn gynted â phosibl ar 0800 252 266.
Diolch am eich cefnogaeth
I gael gwybodaeth gyffredinol am Ffliw Moch ewch i wefan Galw Iechyd Cymru yn www.nhsdirect.wales.nhs.uk/small/cy neu ffoniwch hwy ar 0845 46 47.
Mae'r Llinell Wybodaeth Genedlaethol am Ffliw Moch – 0800 1 513 513 – yn darparu gwybodaeth wedi'i recordio.
Mae Gwasanaeth Iechyd Cyhoeddus Cenedlaethol Cymru hefyd yn darparu gwybodaeth ar ei wefan www.nphs.wales.nhs.uk.