Os ydych wedi cael trallwysiad gwaed neu ddeunydd trawsblanedig ers 1 Ionawr 1980, neu’n meddwl y gallech fod wedi’i gael, ni fyddwch yn gallu rhoi gwaed.
Cyflwynwyd y mesur hwn yn 2004 gan Wasanaethau Trallwyso y DU. Mae’n un o blith nifer o fesurau a gynlluniwyd i leihau’r risg o drosglwyddo Clefyd Amrywiolyn Creutzfeldt Jakob (vCJD) drwy’r boblogaeth.
Er mai bach iawn yw’r posibilrwydd y bydd unrhyw unigolyn yn dal vCJD o drallwysiad gwaed neu ddeunyddiau wedi’u trawsblannu, y gobaith yw y bydd y mesurau diogelwch ychwanegol hyn yn helpu i ddileu vCJD o boblogaeth y DU.
Efallai eich bod chi’n gymwys i roi gwaed os ydych chi wedi derbyn trallwysiad gwaed cyn 1 Ionawr 1980..
Os ydych chi wedi cael gwaed mewn gwlad arall cyn 1980, cysylltwch â ni am gyngor.
Os cawsoch drallwysiad gwaed cyn 1996
Os cawsoch drallwysiad gwaed cyn 1996 ac nad ydych wedi cael eich profi am firws hepatitis C (HCV) gan ddarparwr gofal iechyd ers hynny, rydym yn eich cynghori’n gryf i drefnu prawf HCV gyda’ch meddyg teulu neu Iechyd Cyhoeddus Cymru (ICC).
Ceir rhagor o wybodaeth am Argymhellion yr Ymchwiliad Gwaed Heintiedig (2024) ar brofion firws Hepatitis C (HCV) ar (Dolen) https://icc.gig.cymru/pynciau/ymchwiliad-gwaed-heintiedig/
