Gallai rhywun rydych chi'n ei adnabod fod yn gyfatebiaeth berffaith i glaf sydd angen trawsblaniad mêr esgyrn. Lledaenwch y neges cliciwch yma.
Oherwydd natur glinigol yr amgylchedd, gall clinigau rhoi gwaed gyflwyno peryglon, yn enwedig i blant sydd ddim yn cael eu goruchwylio’n ddigonol efallai tra bod eu rhiant neu ofalwr yn rhoi gwaed. Oherwydd y risgiau hyn, rydym yn annog rhoddwyr i beidio â dod â phlant gyda nhw i roi gwaed.
Rydym yn deall na ellir osgoi dod â phlant i glinig mewn amgylchiadau eithriadol. Oherwydd yr amrywiaeth o amgylcheddau rydym yn gweithio ynddynt a natur anrhagweladwy darpariaeth gofal iechyd, ni allwn greu ymateb safonol i bob rhoddwr a phob plentyn.
Yn hytrach, mae’n rhaid i ni seilio ein penderfyniadau ar asesiad risg, sydd yn cael ei gynnal gan y nyrs sy'n gyfrifol am y clinig ar y pryd, a allai arwain at fethu â rhoi gwaed gyda phlentyn neu blant yn bresennol. O ganlyniad, efallai y bydd yn rhaid i chi ail-drefnu eich apwyntiad ar gyfer dyddiad yn y dyfodol.