Dylech fod yn iach i roi gwaed.
Dolur annwyd
Gallwch roi gwaed unwaith y bydd y dolur annwyd yn sych ac yn gwella.
Annwyd, peswch, llwnc tost
Efallai y byddwch chi’n gallu rhoi gwaed unwaith y byddwch chi’n gwella. Os ydych chi’n parhau i gael symptomau, bydd y nyrs gofrestredig mewn sesiwn rhoi gwaed yn gallu rhoi asesiad unigol i chi.
Clefyd y gwair ac alergeddau tebyg
Gallwch roi gwaed ar yr amod nad oes gennych unrhyw symptomau, hyd yn oed os ydych chi’n cymryd gwrth-histaminau.
Heintiau eraill
Arhoswch bythefnos ar ôl gwella ac o leiaf saith diwrnod ar ôl gorffen cwrs o wrthfiotigau.
Salwch, dolur rhydd
Gallwch roi gwaed cyhyd â’ch bod chi wedi gwella’n llwyr ers pythefnos neu fwy.
Torri esgyrn
Gallwch roi gwaed pan fydd eich cast plastr wedi ei dynnu a phan fydd unrhyw glwyfau wedi gwella.
Pwysedd gwaed uchel, colesterol uchel
Gallwch roi gwaed tra’n cael eich trin am bwysedd gwaed uchel neu lefelau uchel o golesterol. Os bydd eich meddyginiaeth ar gyfer pwysedd gwaed yn newid, bydd yn rhaid i chi aros o leiaf pedair wythnos cyn rhoi gwaed.
