Teithio

Mae teithio y tu allan i'r DU yn gallu effeithio ar p'un a allwch chi roi gwaed ai peidio. Bydd rhai cyrchfannau yn eich atal rhag rhoi gwaed am gyfnod o amser yn dilyn eich ymweliad, gan gynnwys cyrchfannau gwyliau poblogaidd ar gyfer ymwelwyr o Gymru. Mae hyn oherwydd bod rhai heintiau yn gallu cael eu dal dramor, fel arfer, trwy frathiadau mosgito neu bryfed eraill.

Gwirio cyrchfan

1. Cliciwch yma i weld y Mynegai Clefydau Daearyddol yn Ôl Risg sydd yn cael ei ddefnyddio gan holl Wasanaethau Gwaed y DU i asesu’r risg teithio.
2. Chwiliwch am y gyrchfan neu’r cyrchfannau rydych yn teithio iddynt neu wedi teithio iddynt. Rydych mewn perygl o gael haint mewn rhai cyrchfannau, gan gynnwys cyrchfannau poblogaidd fel Sbaen, Ffrainc a'r Eidal, a gallai hyn arwain at orfod gohirio eich rhodd.
3. Gwiriwch y risg. Bydd y Mynegai Risg yn rhoi gwybod i chi am unrhyw risgiau posibl sy'n gysylltiedig â'ch cyrchfan, a'r cyfnod o amser y mae angen i chi aros cyn y gallwch roi gwaed.

Heintiau cyffredin

Isod, mae rhai o'r risgiau haint mwyaf cyffredin a allai eich atal rhag rhoi gwaed.

Malaria

Dylech aros am 120 diwrnod (4 mis) ar ôl ymweld ag ardal malaria cyn rhoi gwaed, hyd yn oed os ydych chi'n cymryd meddyginiaeth gwrth-falaria ...darllen mwy.

I gadarnhau a oes angen prawf malaria arnoch ar ôl teithio i ardal lle mae malaria yn endemig, ar ôl byw mewn ardal lle mae malaria yn endemig neu ar ôl bod yn sâl gyda malaria, cysylltwch â ni ar 0800 252266.

Feirws Nil y Gorllewin

Os ydych chi wedi ymweld ag ardal risg ac yn rhoi gwaed o fewn 28 diwrnod ar ôl i chi ddychwelyd, mae angen prawf ychwanegol arnoch chi. Byddwn yn rhoi gwybod i chi os ydy'r prawf yn bositif.

Os byddwch yn mynd yn sâl o fewn 28 diwrnod ar ôl dychwelyd o ardal risg, rhowch wybod i ni. Bydd angen i chi aros 6 mis cyn rhoi gwaed. Darllen mwy

Feirysau Trofannol (Firws Chikungunya, Dengue neu Zika)

Travel to a Tropical Virus Risk area means that you have to wait 28 days before you can donate. This is extended to six months if you become unwell during your visit or within 28 days of leaving the risk area.

Risg: Trypanosoma Cruzi (T-Cruzi) a Chlefyd Chagas Clefyd Chagas

Mae angen asesiad yn yr achosion canlynol:

• Os ydych chi wedi treulio dros 28 diwrnod mewn ardaloedd gwledig ac mewn ardal lle mae risg o ddal T-Cruzi.
• Os ydych chi neu eich mam wedi cael eich geni yn Ne America, Canolbarth America neu Fecsico.

Mae Clefyd Chagas, sydd yn cael ei achosi gan y parasit T-cruzi, yn gallu cael ei drosglwyddo hefyd trwy drallwysiadau gwaed, ac o'r fam i'r plentyn.

Os yw hyn yn berthnasol i chi, cysylltwch â ni.

Twymyn Gwaedlifol Feirysol

Mae'r term yn cyfeirio at afiechydon sydd yn cael eu hachosi gan firysau fel twymyn Lassa, twymyn gwaedlif y Crimea-Congo, twymyn Rift Valley ac Ebola.

Ni ddylai rhoddwyr sydd â hanes o dwymyn gwaedlif feirysol fyth roi gwaed. Os ydych chi wedi ymweld ag ardal risg, bydd angen i chi aros 6 mis cyn rhoi gwaed.

Achosion a heintiau newydd

Mae heintiau newydd yn gallu dod i'r amlwg unrhyw bryd, felly gall ein rheolau newid ar fyr rybudd.