Dim yn gallu rhoi gwaed?

Dim yn gallu rhoi gwaed? Rydym eich angen chi o hyd.

Dysgwch fwy am sut y gallwch helpu i achub bywydau yng Nghymru isod.

Beth allwch chi ei wneud os nad ydych chi’n gymwys i roi gwaed

Mae sawl ffordd arall o'n cefnogi a helpu i achub bywydau ar draws Cymru. Gallwch wneud gwahaniaeth drwy ledaenu'r gair am Wasanaeth Gwaed Cymru, a chael cymaint o bobl â phosibl i ystyried dod yn rhoddwr gwaed, platennau neu fêr esgyrn.

Darllenwch fwy am sut y gallwch gymryd rhan yn yr ymgyrchoedd rydym yn eu rhedeg i annog pobl i roi gwaed.

Mae Rhoi yn Rhedeg yn eich Gwaed

Maen nhw'n dweud nad ydych chi byth yn difaru mynd i redeg, ac rydyn ni'n meddwl yr un peth am roi gwaed – gallai achub bywyd rhywun.

Gwaed, Chwys ac Iechyd Da Barry Town celebrate scoring

Gwaed, Chwys ac Iechyd Da

Rydym wedi dechrau gweithio mewn partneriaeth gyda JD Cymru Leagues ac Genero Adran Leagues i lansio ymgyrch ‘Gwaed, Chwys a Iechyd da!’ i annog cefnogwyr pêl-droed i roi gwaed.

Bagloriaeth Cymru

Yn galw ar bob athro a myfyriwr! Helpwch eraill i ddarganfod pam ei bod hi mor bwysig rhoi gwaed drwy ein her Bagloriaeth Cymru newydd, ac annog mwy o roddwyr 17-34 oed i ddod ymlaen.

Sut allwch chi helpu

Rydym angen gwneud yn siŵr bod pobl yn cofrestru fel rhoddwyr gwaed, a bod rhoddwyr presennol yn parhau i roi gwaed fel bod lefel ein stociau gwaed yn iach.

Un ffordd y gallwch wneud hyn yw drwy ein helpu i gyfleu'r pwysigrwydd o roi gwaed ar draws Cymru. Boed hynny drwy ddweud wrth ffrindiau a theulu pam y dylent roi gwaed, neu drwy siarad â chydweithwyr amdanom. Gallwch ein helpu drwy:

Arddangos poster yn y gwaith neu yn eich ardal leol
Hyrwyddo ein clinigau rhoi gwaed gyda theulu, ffrindiau a chydweithwyr
Rhannu adnoddau am y gwahaniaeth mae rhoi gwaed yn gallu ei wneud sy’n gallu achub bywydau

Mae gennym lwyth o adnoddau i chi eu darllen a'u rhannu yn ein hadran cefnogwyr i annog eraill i roi gwaed.

Dim yn gallu rhoi gwaed?