Yn aros am lawdriniaeth
Os ydych chi'n aros am lawdriniaeth, efallai y byddwch chi'n dal i allu rhoi gwaed, ond bydd angen i ni wybod ychydig yn fwy. Cysylltwch â ni i weld p’un a ydych chi’n gymwys cyn trefnu apwyntiad.
Profion sgrinio rheolaidd
Ar yr amod nad oes gennych chi unrhyw symptomau a'ch bod chi’n teimlo'n dda, gallwch roi gwaed ar ôl prawf sgrinio arferol fel:
- sgrinio colesterol;
- profion ceg y groth
- mamogram; neu,
- wiriad iechyd blynyddol.
Endosgopi, colonosgopi
Mae’n rhaid i chi aros 120 diwrnod ar ôl unrhyw brawf sy’n defnyddio sgôp hyblyg, hyd yn oed os yw’r canlyniadau’n glir.
Cysylltwch â ni cyn rhoi gwaed os ydych chi wedi cael gweithdrefn sy'n cynnwys endosgopi hyblyg.
Profion neu archwiliadau eraill
Ni allwch roi gwaed nes eich bod wedi cael canlyniadau eich prawf neu ddiagnosis gan eich meddyg neu nyrs.
